Покистоннинг Ҳайбер-Пахтунхва вилоятидаги Чарсадда шаҳрида жойлашган университет ҳудудига қуролланган тўрт киши бостириб кириб, ўт очди. Бу ҳақда «РИА Новости» хабар бермоқда.
Покистон шимолида юз берган мазкур ҳодиса оқибатида бир киши ҳалок бўлган, яна олти киши турли даражада тан жароҳати олгани айтилмоқда.
Daily Pakistan нашри маълумотларига кўра, университет кампуслари ва талабалар ётоқхоналаридаги одамлар хавфсиз жойга кўчирилган. Ҳодиса жойига куч тузилмалари ходимлари ва қутқарувчилар етиб келган.
Гувоҳларнинг айтишича, университет ҳудудида камида икки марта кучли портлаш юз берган. Ҳужум уюштирилган вақтда университетда 3 мингга яқин талаба бўлган.
Университет ректорининг маълум қилишича, талаба ва ўқитувчиларнинг ҳеч бирига зарар етмаган.
Изоҳ (0)