2014 йилда Бразилия президентлигига номзод Эдуарду Кампуснинг ҳалок бўлишига олиб келган авиаҳалокатнинг сабабларидан бири учувчининг чарчаганлиги бўлган. Бу ҳақда ҳалокат сабаблари тўғрисидаги ҳисоботга таянган маҳаллий нашрлар хабар бермоқда, деб ёзади «ТАСС».
Ҳисоботдаги асосий хулосага кўра, ҳодиса учувчининг бир қатор хатолари туфайли юзага келган. Мутахассислар ҳаво кемаси командири Маркус Мартинс қўниш учун тезликни анча олдин пасайтирган, деб ҳисобламоқда.
Ўзиёзардаги Мартинснинг овозини ўрганган экспертлар, учувчи кучли чарчоқни ҳис қилганини аниқлади. Учувчи ҳодисадан бир муддат олдин ижтимоий тармоқлар орқали сурункали чарчоқдан шикоят қилган. Бундан ташқари, Мартинс ушбу моделдаги самолётни бошқариш учун етарли даражада тажрибага эга бўлмаган. Авиаҳалокатдан кейин Бразилиянинг фуқаро авиацияси миллий агентлиги учувчиларни тайёрлашдаги бир қатор талабларни ўзгартирди.
Яна шу нарса маълум бўлдики, иккинчи учувчи Жералду Мажела Барбоза ва ҳаво кемаси командирининг муносабатлари яхши бўлмаган.
2014 йил 13 август куни Рио-де-Жанейродан учган хусусий Cessna 560 XL самолёти Гуарульос аэропортининг қўниш йўлагига кириш арафасида турар-жой даҳасига қулаб тушди. Самолёт бортида Эдуарду Кампус ва унинг сайловолди кампаниясидаги тарафдорлари бўлган. Авиаҳалокат натижасида 49 ёшли сиёсатчи ва яна олти киши, жумладан, икки учувчи ҳам оламдан ўтди. Ҳалокат вақтида ерда бўлган 10 киши жабрланди.
Изоҳ (0)