ГФР канцлери Ангела Меркелнинг Христиан-демократик иттифоқи ва Христиан-социал иттифоқидан таркиб топган партия блоки рейтинги рекорд даражада тушиб кетди. Бу ҳақда Эрфуртнинг Insa-Consulere ижтимоий тадқиқотлар институти сўровларига таяниб, «Корреспондент.net» хабар қилмоқда.
Сўровнома натижаларига кўра, ХДИ/ХСИ рейтинги 2,5 пунктга пасайиб, 32,5 фоизни ташкил қилмоқда. Бу 2013 йилда бундестаг учун сайловлардан бери энг ёмон кўрсаткичдир. Канцлернинг обрўси тушиб бораётганига унинг қочоқлар масаласидаги позицияси асосий сабаб бўлмоқда.
Эслатиб ўтамиз, олдинроқ Бавария бош вазири Хорст Зеехофер Германия канцлери Ангела Меркелнинг муҳожирларни қабул қилиш бўйича сиёсати туфайли унга ультиматум эълон қилганди.
Бундан ташқари, ХДИ/ХСИ блокидан 50 депутат Меркелга хат ёзиб, ундан муҳожирлар масаласи бўйича сиёсатини ўзгартиришни талаб қилди.
Изоҳ (0)