Криштиану Роналду: Сабабини тушунтириб бера олмайман, аммо ўйинчилар Бенитесдан кўра, Зиданни кўпроқ ёқтиради

«Реал» ҳужумчиси Криштиану Роналду клуб бош мураббийи Зинедин Зидан билан ишлаш қандай кечаётгани ҳақида гапириб берди, деб ёзади «Sports.ru».

«Зидан жамоани тўғри йўналиш томонга итарди. Ўйинчилар қайсидир мураббийларни бошқаларидан кўра кўпроқ ёқтиради, деб ўйлайман. Бу ўйинчиларга ҳам, бошқа одамларга ҳам тегишли.

Бенитес пайтида ғайрат билан ишлардим, мураббий ким эканлигидан қатъи назар клуб учун яхшироқ ҳаракат қилиш ҳақида ўйлардим. Мен Раф ҳақида ҳеч қачон ёмон фикрда бўлмаганман, у ҳам «Реал» манфаатини кўзлаб интиларди. У футболга бошқача қарайди, Зидандек эмас. Тўғрисини айтсам, сабабини тушунтириб бера олмайман, аммо ўйинчилар Зизуни кўпроқ ёқтиради», — деди Роналду.

Шунингдек, футболчи Зиданнинг хотиржам ва меҳнаткаш одам эканлиги, бироқ шунга қарамай, у билан ишлаш қизиқарли эканлигини айтди.