Сэр Алекс Фергюсон агар Луи ван Гал истеъфога чиқса ва унинг ўрнига Райан Гиггз тайинланса, «Манчестер Юнайтед» клубига қайтиб, маслаҳатчи мураббий бўлиб ишлашга тайёр, деб хабар қилади «Корреспондент.net».
«Манчестер Юнайтед» Англия Премьер-лигасида 21 ўйиндан кейин 34 очко билан турнир жадвалида 6-ўринда бормоқда. Клуб Европа Чемпионлар Лигасининг жорий мавсумидан чиқиб кетди ва еврокубоклардаги иштирокини Европа Лигасида давом эттирмоқда.
Эслатиб ўтамиз, Фергюсон «Манчестер Юнайтед»да 1986 йилдан 2013 йилгача ишлаган. 2012/13 йилги мавсумда «қизил иблислар» билан Англия чемпионатидаги 13-олтин медални қўлга киритганидан сўнг мураббийлик фаолиятига якун ясаган.
Изоҳ (0)