АҚШ президенти Барак Обама Эрон билан ядро дастури ва бошқа келишувларга доир чиқиш қилди, дея хабар беради «Газета.ru»
Обаманинг таъкидлашича, дипломатик уринишлар туфайли Эрон билан муносабатлардаги кескинлик юмшатилди ва «Яқин Шарқда яна бир урушнинг олди олинди». Бугунги кунга келиб Эрон атом бомбасини яратиш имкониятидан маҳрум бўлди: илгари Теҳронда ўнта ядро каллаги ишлаб чиқариш учун етарли захира бўлган бўлса, энди улар битта бомба учун кифоя қиладиган даражада ҳам эмас.
Америкалик журналистлар ва Эрон ҳудудига адашиб кириб қолган денгизчилар озод этилганини эътироф қилган Обама шунга қарамай АҚШда Эронга нисбатан терроризмнинг қўллаб-қувватланиши, баллистик ракеталар ишлаб чиқилиши, Сурия ва Ямандаги можароларда эҳтимолий иштироки юзасидан саволлар қолаётганини билдирган.
Эслатиб ўтамиз, олдинроқ АҚШ Эрон баллистик ракеталари синовдан ўтказилишини қувватлаган компания ва шахсларга нисбатан санкциялар жорий этгани ҳақида маълум қилинганди.
Изоҳ (0)