АҚШ расмийлари Эрон баллистик ракеталари синовдан ўтказилишини қўллаб-қувватлагани учун бир қатор компания ва жисмоний шахсларга нисбатан санкциялар жорий этди. Мазкур рўйхатга Эроннинг олти, Хитойнинг бир нафар фуқароси, шунингдек, БААдан иккита, Хитойдан битта компания киритилган, дея хабар беради «Газета.ru».
Маълум бўлишича, аслида санкциялар 2015 йил охирида қабул қилиниши кўзда тутилган, бироқ бунинг арафасида Эрон ташқи ишлар вазири Муҳаммад Жавод Зариф америкалик ҳамкасби Жон Керрини бу ҳаракат икки мамлакат орасида маҳбусларни алмашиш жараёнига халал бериши мумкинлиги ҳақида огоҳлантирган. Шу муносабат билан АҚШ маъмурияти санкциялар жорий этишни вақтинча қолдирган эди.
17 январь куни маҳбусларни айирбошлаш амалга оширилди ва бу АҚШга янги чекловларни киритиш имконини берди.
Изоҳ (0)