Урғочи оқ айиқ Франц-Иосиф Ери архипелагидаги Александра Ери оролида қурувчини ўлдирди. Бу ҳақда «Рус Арктикаси» миллий боғи директори Роман Ершов «РИА Новости»га маълум қилди.
«Сўз қурилиш ташкилоти ходими ҳақида бормоқда, ҳозирда полиция иштирокида суриштирув ишлари ўтказилмоқда. Катта эҳтимол билан, хавфсизлик қоидалари бузилган, чунки ишчи очиқ тундрада ёлғиз бўлган. Бу ишни амалга оширган урғочи айиқ ва айиқ боласи бизнинг назоратчиларимиз томонидан ҳайдаб юборилди», — деди Ершов.
Директорнинг сўзларига кўра, ҳодиса бир ҳафта олдин содир бўлган.
Эслатиб ўтамиз, декабрь ойида Арктиканинг Врангель оролида оқ айиққа портловчи пакет едириб, унинг қийналиб жон бериши тасвирланган видео пайдо бўлганди. Дастлабки маълумотларга кўра, жониворга портловчи пакетни қурувчилар берган.
Изоҳ (0)