Борис Немцовнинг ўлими бўйича жиноий иш қатнашчиси Анзор Губашев сўроқ чоғида сиёсатчини Беслан Шаванов ўлдирганлигини маълум қилди. Бу ҳақда унинг адвокати Муса Хадисовга таяниб, «Газета.ru» хабар бермоқда.
«Бизга якуний кўринишдаги айблов эълон қилинди. У ўзининг айбини тан олмади. Губашев кўрсатмаларига ўзгартириш киритди ва сўроқ чоғида Немцовни Б. Шаванов ўлдирганини маълум қилди. У қотиллик содир этилган куни Қизил майдонда айланиб юришгани ва ЗАЗ машинасида бирга бўлишганини ҳикоя қилди. Шаванов ундан ҳайдовчи сифатида фойдаланган, сиёсатчини ўлдириш нияти тўғрисида Губашев ҳеч нарса билмаган», — дея таъкидлаган адвокат.
Эслатиб ўтамиз, олдинроқ Россия Федерацияси Тергов қўмитаси Борис Немцов ўлими билан боғлиқ терговни 2016 йил 28 февралига қадар узайтирганди.
Изоҳ (0)