Туркманистон газини харид қилишдан бош тортган Россиянинг «Газпром» компанияси «Туркмангаз»га 2016 йил учун шартнома тузиш масаласида танаффус қилишни таклиф этди. Бу ҳақда икки томон ўртасидаги музокараларга яқин манба маълум қилди, дея хабар беради «Ведомости».
Манбанинг айтишича, нархларга бозор талабидан келиб чиқиб тузатиш киритиб бораётган Ўзбекистон «Газпром»га Туркманистонга нисбатан «анчагина паст нархда» газ сотмоқда. Туркманистон раҳбариятининг Каспийбўйи газ қувурини қуриш бўйича музокараларни қайта бошлаш истагини шарҳлаган манба туркман газининг харид нархлари ўзгармай туриб бундай музокараларни олиб бориш мантиқсиз эканлигини билдирган.
Эслатиб ўтамиз, олдинроқ «Газпром»даги манба Россия 2016 йилда Ўзбекистондан харид қиладиган газ ҳажми Туркманистон ўтган йили етказиб берганига (3,1 миллиард куб метр) нисбатан кўп бўлишини маълум қилганди.
Изоҳ (0)