Ҳаво тез ёрдами учувчиси бўлиб хизмат қилаётган Буюк Британия шаҳзодаси Уильям мамлакат жануби-шарқидаги Хартфордшир графлигидаги мактаблардан бирининг ошхонасида тушлик қилди. Бу ҳақда The Daily Mail хабар берди.
Санитар авиациясининг Шарқий Англиядаги бўлинмаси — East Anglian Air Ambulance рейсини бажарганидан сўнг шаҳзода вертолётни спорт майдонига қўндирди ва яқин орадаги мактабга ташриф буюрди. Ўқув муассасаси директори Клайв Мэттьюнинг айтишича, Уильямнинг келиши «умуман кутилмаган ҳол» бўлган.
«Ҳаво тез ёрдами мактаб майдонидан мунтазам равишда фойдаланади. Ходимларимиз у ердан болаларни олиб кетади, қўнганларга эса егуликлар таклиф этади. Биз вертолётда бу гал кимлигини билмагандик. Болалар шаҳзодани дарров қуршаб олди ва улар мулоқотга киришиб кетди», — дея таъкидлаган директор.
Изоҳ (0)