Россиялик олимлар Америка космик агентлиги (NASA)нинг янги ташкил этилган Астероид ва бошқа таҳдидлардан сайёрани ҳимоя қилишни мувофиқлаштириш бўлими билан ҳамкорлик қилмоқчи. Бу ҳақда Россия фанлар академияси Астрономия институти директори Борис Шустов маълум қилди, деб хабар беради «Hi-Tech Mail.ru».
Шустовнинг таъкидлашича, фазовий таҳдидлар муаммосини ҳал қилиш учун халқаро кооперация катта аҳамиятга эга.
АҚШ аллақачон Ерни космосдан бўладиган таҳдидлардан ҳимоя қилувчи алоҳида бўлинма ташкил қилган. Россиялик олимлар ҳам шундай бўлинмани яратишни режалаштирмоқда.
Шустовнинг қўшимча қилишича, россиялик тадқиқотчилар астероидларни кузатувчи IAWN дастурида ва Фазовий миссияларни режалаштириш бўйича маслаҳат гуруҳи ишида иштирок этиб келмоқда.
Изоҳ (0)