Украинанинг Запорожье вилоятида 25 ёшли аёл ўз фарзандини қасддан ўлдирган деб гумон қилинмоқда, деб ёзади «Сегодня.ua». Полиция маълумотларига кўра, аёл уч ойлик қизчасини ахлат тўкиладиган ўрага ташлаб юборган.
Унинг ўзи эса полиция бўлимига мурожаат қилиб, уйига ўзларини шифокор деб таништирган номаълум шахслар келгани ва қизчасига онкологик касаллик ташхисини қўйиб, уни вилоят марказий шифохонасига олиб кетганини айтган.
Бироқ аёл яшайдиган уй кўздан кечирилганида, ҳовлидаги ҳожатхона чуқуридан чақалоқ жасади топилган. Шундан сўнг аёл боласи тириклик белгиларини намоён этмай қўйгач, қўрқиб кетиб, уни ўрага ташлаганини айтган.
Бироқ суд-тиббий экспертиза чақалоқ бош суяги ва мияга шикаст етишидан вафот этганини кўрсатди.
Аёл ёш болани қасддан ўлдиришда гумонланмоқда.
Изоҳ (0)