Wikipedia интернет-энциклопедиясига эгалик қилувчи Wikimedia Foundation нотижорат ташкилоти лойиҳани қўллаб-қувватлаш учун маблағ йиғишга қаратилган хайрия жамғармасини ташкил қилди, деб ёзади «Корреспондент.net».
2026 йилгача ташкилот жамғарма орқали 100 миллион долларгача маблағ йиғмоқчи. Жамғармага киритиладиган биринчи тўлов АҚШлик дастурчи Жим Пачанинг 1 миллион доллар миқдоридаги хайрияси бўлади, у 2014 йилда вафот этган, бироқ ўлими олдидан шу миқдордаги суммани Wikipedia тараққиёти учун топширган эди.
Бугун, 15 январь куни 15 йиллигини нишонлаётган онлайн-энциклопедия эгалари вақти-вақти билан маблағ тўплаш бўйича кампаниялар ўтказиб туради. Улар асосан интернет орқали сайт фойдаланувчилари ҳисобига амалга оширилади, улар ихтиёрий равишда ўз маблағларини Wikipedia’ни қўллаб-қувватлаш учун кўчириб бериши мумкин. Шу йўл билан Wikimedia Foundation ўтган декабрь ойидаёқ 30 миллион доллар жалб қилишга муваффақ бўлди.
Изоҳ (0)