Жанубий Корея ҳукумати мамлакатда КХДРда яқинда ўтказилган ядро синовига бағишланган электрон хатлар оммавий равишда тарқатилиши юзасидан текширув бошлади, дея хабар бермоқда «ТАСС».
Полиция вакиллари маълум қилишича, ушбу акция Пхеньян томонидан Корея Республикасидаги давлат муассасаларига нисбатан тайёрланаётган киберҳужумларнинг бир қисми бўлиши мумкин.
«Ҳодиса ташкилотчилари ташқи ишлар вазирлиги ва президент маъмурияти ниқоби остига яширинишга уриниб, улар номидан хатлар жўнатган. Мактублар Жанубий Кореянинг кўплаб давлат тузилмаларига юборилган», — деди полициядагилар.
Хатлар зараркунанда ёки жосуслик дастурий таъминотларини ўз ичига олган-олмаганлиги ҳозирча номаълум. Уларнинг аниқ мазмуни ҳам ошкор этилмаяпти.
Изоҳ (0)