Украинада ўтган йилга солиштирганда гриппдан вафот этиш ҳолатлари 10 фоизга ошди. Ҳозиргача Одессада 28 киши, Винницада 25 киши касалликдан вафот этди. Бу ҳақда украиналик депутат, Парламент қўмитасининг Соғлиқни сақлаш масалалари бўйича раҳбари ўринбосари Ирина Сисоенко маълум қилди, деб хабар беради «Корреспондент.net».
Унинг сўзларига кўра, Украинанинг барча ҳудудларида H1N1 гриппи билан касалланиш ҳолатлари кучаймоқда. Энг кўп ўлим ҳолатлари, Винница, Одесса, Харьков, Киев ва Киев вилоятида содир бўлмоқда.
Сисоенконинг қайд этишича, бугунги кунгача мамлакат аҳолисининг 5,7 фоизи грипп билан касалланган, улардан 70 фоизи болалар ва ҳомиладор аёллардир.
Соғлиқни сақлаш вазирлигининг маълум қилишича, тиббий ёрдам сўраб, шифохонага ўз вақтида мурожаат қилмаслик туфайли ўлим ҳолатлари қайд этилмоқда.
Ирина Сисоенко зарурат туғилса, Литва Украинага гуманитар ёрдам беришга тайёрлигини қўшимча қилди.
Изоҳ (0)