Ukrainada o‘tgan yilga solishtirganda grippdan vafot etish holatlari 10 foizga oshdi. Hozirgacha Odessada 28 kishi, Vinnitsada 25 kishi kasallikdan vafot etdi. Bu haqda ukrainalik deputat, Parlament qo‘mitasining Sog‘liqni saqlash masalalari bo‘yicha rahbari o‘rinbosari Irina Sisoyenko ma’lum qildi, deb xabar beradi “Korrespondent.net”.
Uning so‘zlariga ko‘ra, Ukrainaning barcha hududlarida H1N1 grippi bilan kasallanish holatlari kuchaymoqda. Eng ko‘p o‘lim holatlari, Vinnitsa, Odessa, Xarkov, Kiyev va Kiyev viloyatida sodir bo‘lmoqda.
Sisoyenkoning qayd etishicha, bugungi kungacha mamlakat aholisining 5,7 foizi gripp bilan kasallangan, ulardan 70 foizi bolalar va homilador ayollardir.
Sog‘liqni saqlash vazirligining ma’lum qilishicha, tibbiy yordam so‘rab, shifoxonaga o‘z vaqtida murojaat qilmaslik tufayli o‘lim holatlari qayd etilmoqda.
Irina Sisoyenko zarurat tug‘ilsa, Litva Ukrainaga gumanitar yordam berishga tayyorligini qo‘shimcha qildi.
Izoh (0)