Экспертлар КХДР водород бомбаси синовини монтаж қилган, деб ҳисобламоқда
Америкалик экспертлар КХДР томонидан баллистик ракета синови ўтказилгани ҳақидаги видео қалбаки, деб ҳисобламоқда. Бу ҳақда «Корреспондент.net» хабар қилмоқда.
Ядро қуролини тарқатмаслик муаммоларини ўрганиш институти мутахассисларининг фикрича, КХДР водород бомбаси синовини ўтказгани ҳақидаги видео ва суратларни қалбакилаштирган.
Reuters агентлигининг ёзишича, экспертларнинг фикри Жанубий кореялик ҳарбийларнинг баёнотини тасдиқламоқда. Жанубий Корея ҳарбийлари тарқатилган видео 2014 йилда тасвирга туширилган ва бошқа синовларнинг суратлари билан таҳрирланган, деб фикр билдирганди.
Мутахассисларнинг қайд этишича, ёзувлардаги ракурслар бир-бирига мос тушмаган ва улар монтаж қилингани сезилиб турибди. Аммо бошқа турдаги ракетанинг учирилганини пайқаш мумкин.
Эслатиб ўтамиз, Шимолий Корея 6 январь куни водород бомбаси синовларини муваффақиятли ўтказганини маълум қилган.
