Беларусь президенти Александр Лукашенко мамлакат фуқароларини қорни тозалаш ишларида кўмаклашишга чақирди, деб хабар беради «Интерфакс».
«Қор кўп, демак, нон ҳам кўп бўлади ва бу ўтган йили бўлгани сингари ҳосилни совуқ уриб кетмаслигини англатади», — деди Лукашенко.
Президент амалдорлардан ва ташкилот раҳбарларидан шаҳар ва қишлоқ йўллари, автомагистралларда тирбандликларни юзага келтираётган қорни тозалаш ишларини кучайтиришни сўради.
Бундан ташқари, Лукашенко белорусларни қорни тозалаш ишларида коммунал хизматларга ёрдам беришга чақирди.
«Мен сизлардан ўтиниб сўрайман — кўчага чиқиб, қорни тозалашга ёрдам бериш керак», — деди президент.
Изоҳ (0)