Сомон йўли Андромеда билан қандай тўқнашади ва Ерга нима бўлади? (видео)

«Роскосмос»нинг телестудияси Ер сайёраси жойлашган Сомон йўли галактикасини келажакда қандай ҳалокат кутаётгани ҳақида ҳикоя қилувчи ролик тайёрлади. Meduza’нинг қайд этишича, 4 миллиард йилдан сўнг бизнинг галактикамиз ҳозирги вақтда 2,5 миллион ёруғлик йили узоқликда жойлашган Андромеда галактикаси билан тўқнашади.

Тўқнашувдан бир неча миллион йил ўтиб, икки галактика ягона — улкан галактикага айланади. Астрофизик Рашид Сюняев, агар Ерда ўша вақтда ҳам одамлар яшаётган бўлса, улар нималарга гувоҳ бўлиши ҳақида сўзлаб берди: «Ерликлар учун бу унчалик ҳам ёқимли томоша бўлмайди. Қуёш тизими ноодатий тезликда галактикамиздан қаергадир узоққа отилиб кетади. Бу юлдузлар бўтқаси ичра ажойиб парвоз бўлади».

https://www.youtube.com/watch?v=UP5xZPlShdk

Сомон йўли ва Андромеда тўқнашуви визуализациясини батафсил бу видеода кўриш мумкин:

https://www.youtube.com/watch?v=PrIk6dKcdoU