Apple қулоқ ичига қўйиладиган Beats’нинг симсиз қулоқчинлари устида иш олиб бормоқда. Бу ҳақда 9to5Mac нашрига таяниб, TJournal хабар бермоқда.
Улар iPhone 7 нинг тақдимоти билан бир вақтда чиқиши кутилмоқда. Ушбу қулоқчинлар туфайли компания симли қулоқчинларнинг портидан воз кечмоқчи.
Apple 2014 йилда 3 миллиард долларга сотиб олган Beats компанияси билан янги симсиз қулоқчин-гарнитураларини ишлаб чиқмоқда, улар қулоқ ичига жойлаштирилади ва Bluetooth’да ишлайди. Лойиҳа ҳозирча iPhone 7 сингари прототип босқичида турибди, бироқ Apple иккала маҳсулотни ҳам 2016 йил кузида тақдим этмоқчи.
Қулоқчинларда шовқинни босиш технологияси, қўнғироқларни амалга ошириш ва Siri’дан фойдаланиш имконияти бўлиши кутилмоқда.
Apple ва Beats’нинг янги маҳсулоти махсус кейс орқали симсиз қувватлантирилади. Бир марта қувватлантирилган қулоқчинлар тўрт соатгача ишлаши мумкин.
9to5Mac маълумотларига кўра, янги маҳсулот AirPods деб номланади. Нашр AirPods iPhone 7 дан алоҳида сотилади, деб ҳисобламоқда.
Изоҳ (0)