Алишер Усмонов 1990 йиллар охири — 2000 йиллар бошидан интернет-инвесторга айланишга уринган. Бироқ, Forbes’нинг ёзишича, унинг дастлабки ҳаракатларини 2001 йилда «доткомлар инқирози» йўққа чиқарган.
1990 йиллар охирида Алишер Усмонов Лондонда истиқомат қилувчи эронлик ишбилармон Фарҳод Моширий билан бирга Unisys компанияси акцияларига пул тикиб, 32 миллион доллар йўқотган. Бундан ташқари, металл билан савдо қилиш мақсадида europe-steel.com интернет-биржасини ишга туширган, бироқ кейинчалик бу лойиҳа ёпилган.
Бир инвестбанкирнинг сўзларига кўра, Алишер Усмонов 2001 йили рекорд даражада арзонлашиб кетган Yahoo интернет-гигантини сотиб олиш учун кредит тақдим этишларини сўраган. «Алишер Усмонов бу гапларни тасдиқлайди: ҳақиқатан ҳам шундай лойиҳа бўлган, бироқ банклар бунинг учун қарз беришдан бош тортган», деб ёзади Forbes.
Маълумот учун, «ТАСС» ахборотига кўра, 48 фоизи Алишер Усмоновга тегишли бўлган USM Holdings холдинги ҳозирги вақтда Mail.ru Group корпорацияси эгаси ҳисобланади, шунингдек, Хитойдаги бир қатор интернет-лойиҳаларга сармоя киритган.
Изоҳ (0)