Япониянинг Хоккайдо оролидаги Ками-Сиратаки темирйўл станцияси бир йўловчи учун ишламоқда. Бу ҳақда Meduza хабар берди.
Япония темирйўллари раҳбарияти уч йил аввал узоқ ва оммалашмаган йўналиш бўйлаб ҳаракатни тўхтатиш ҳақида қарор қабул қилганди. Бироқ Ками-Сиратаки станциясида ўқувчи қиз истиқомат қилиши маълум бўлганидан сўнг, темирйўлчилар поездлар ҳаракатини қисман тиклашга қарор қилган.
Бу станцияда поездлар кунига икки марта ҳар хил вақтда — ўқувчи қизнинг дарслари қачон бошланиб, қачон тугашига қараб тўхтайди.
2016 йил мартида қиз мактабни битиради. Шундан сўнг мазкур йўналиш бўйлаб поездлар ҳаракати буткул тўхтатилади.
«Неча йиллардан бери поездлар бу станцияда фақат шу ўқувчи қизни деб тўхтаган. Япония темирйўллари раҳбарияти, ўқувчи қиз мактабни тугатмагунича, станция фаолиятини тўхтатмасликка қарор қилди», — дейилади CCTV News’нинг Facebook’даги саҳифасида қолдирилган хабарда.
Изоҳ (0)