Форс кўрфазидаги араб давлатлари ҳамкорлиги кенгашига аъзо давлатлар (Саудия Арабистони, Уммон, Кувайт, Қатар, Баҳрайн, БАА) Эронга қарши қўшимча чоралар кўради. Бу ҳақда 9 январь, шанба куни минтақавий кенгаш ташқи ишлар вазирларининг фавқулодда йиғилиши якуний ҳужжатида маълум қилинган, дея хабар беради «ТАСС».
«Вазирлар Эрон ҳаракатларини қоралайди ва ушбу мамлакат мазкур терактлар (Саудия Арабистонининг Эрондаги элчихонаси ва консулхонасига ҳужумлар назарда тутилган) учун тўлиқ жавобгар эканлигини таъкидлайди. Кенгаш давлатлари Эрон ҳужумларига қарши туриш учун қўшимча чоралар кўради», — дейилади мазкур ҳужжатда.
Эрон билан боғлиқ вазият Араб давлатлари лигасининг Қоҳирадаги штаб-квартирасида ҳам кўриб чиқилади: Ар-Риёд лиганинг навбатдан ташқари йиғилиши ўтказилишини сўраган.
Изоҳ (0)