8 январь куни интернетда касалхонадаги шифокор қабулхонасига ўрнатилган видеокамера ёзуви пайдо бўлди. Унда шифокор ҳамширага тегажоқлик қилган беморни бир зарба билан ўлдириб қўйгани акс этган. Бу ҳақда Life News хабар бермоқда.
Ҳодиса Россиянинг Белгород шаҳридаги 2-сонли касалхонада 29 декабрь куни юз берган. Видеода шифокор ўз ҳамкасби бир беморни кўрикдан ўтказаётган хонага кириб келгани акс этган. У нима сабабдан «бемор ҳамширасига тегажоқлик қилгани» билан қизиқди, сўнг уни тутиб олиб, бошқа хонага судраб чиқармоқчи бўлди.
Шифокор беморнинг бошига мушт туширди, шундан кейин у ерга йиқилди ва тириклик белгиларини намоён қилмай қўйди. Воқеа жойида турган тиббий ходимлар жабрланувчи кўкара бошлаганини қайд этди. Шифокор уни жонлантиришга уринди, бироқ бунга муваффақ бўлмади.
Россия Тергов қўмитаси шифокорга нисбатан жиноий иш қўзғади, у ўлимга сабаб бўлган жароҳатларни етказганликда айбланмоқда.
Изоҳ (0)