Шимолий Корея ядро қуролига эга мамлакатлар клубига кирди, бироқ уни биринчи бўлиб қўлламайди. Бу ҳақда КХДР элчихонаси пресс-релизига таяниб, «Корреспондент.net» хабар бермоқда.
Дипломатлар таъкидлашича, Пхеньян восита ва технологияларни учинчи мамлакатларга топширмасликка ваъда беради.
«Водород бомбаси синови бенуқсон ва муваффақиятли ўтгач, КХДР водород бомбасига ҳам эга бўлган, ядро қуроли соҳиби бўлган мамлакатлардан бирига айланди, халқимиз эса ядро қуроли билан ушлаб туриш бўйича энг қудратли кучга эга муносиб халққа айланди», — деди шимолий кореялик дипломатлар.
Пхеньян водород бомбаси синовини КХДР «ядро кучлари тараққиётидаги янги, анча юқори босқич» деб атади.
Шимолий Корея, шунингдек, бомба синови атроф-муҳитга салбий таъсир етказмаганини таъкидлади.
Эслатиб ўтамиз, 6 январь куни Шимолий Корея марказий телевидениеси КХДР мамлакат шимоли-шарқида водород бомбасини муваффақиятли тарзда синовдан ўтказганини хабар қилди.
Кейинроқ Ядро синовларини буткул тақиқлаш тўғрисидаги шартнома бўйича ташкилот ижрочи котиби Лассино Зербо ташкилот КХДРдаги ядро синовини «техноген портлаш» сифатида таснифлаганлигини маълум қилди.
Изоҳ (0)