Шимолий Корея Сеулнинг тарғибот эшиттиришларини қайтадан бошлаганлигига жавобан Жанубий Корея билан чегарада овоз кучайтиргичлар орқали эшиттиришларни яна йўлга қўйди. Бу ҳақда «Рёнхап» агентлиги маълумотига таяниб, «Газета.ru» хабар беради.
Аввалроқ Жанубий Корея КХДР билан чегарада тарғибот эшиттиришларини қайтадан бошлаганлиги маълум бўлган эди. Бундан ташқари, Сеул овоз кучайтиргичларни ҳимоя қилиш учун артиллерияни ҳам сафга жойлаштирди.
Овоз кучайтиргичлар Шимолий Корея тузумига қарши танқидий фикрларни эшиттиради.
Корея ярим оролидаги муносабатларда навбатдаги кескинлик КХДР ҳукумати томонидан водород бомбаси муваффақиятли синовдан ўтказилганлиги ҳақида маълум қилингандан кейин юзага келди.
Изоҳ (0)