2016 йилнинг дастлабки тўрт куни давомида Dow Jones индексининг пасайиши сўнгги 119 йил ичидаги рекорд даража бўлди, деб ёзади «РБК». 4 январдан 7 январгача индекс 911 та пунктга ёки 5 фоизга пастлади. АҚШ биржаларидаги пасайиш Хитой бозоридаги нарх тушиши ва юаннинг арзонлашуви билан боғлиқ бўлди.
4 январь куни эрталаб Dow Jones 450 пунктга ёки 2,5 фоизга пасайди. S&P500 2,1 фоизга тушиб кетди.
Bloomberg маълумотларига кўра, савдонинг биринчи кунидаги энг катта — 6 фоизлик пасайиш 1932 йилда — Буюк депрессия авжига чиққан вақтда кузатилган; ундан кейингиси — 2,8 фоизлик пасайиш 2001 йилда, дотком (интернет-бизнес)лар пуфаги портлаганидан кейин қайд этилган эди.
2016 йилнинг биринчи куни пасайиш миқдори бўйича учинчи ўринни эгаллади, бироқ Dow Jones’нинг тўрт кун давомидаги пасайишлари жами йиғиндисига кўра аввалги рекордларни ортда қолдирди.
Изоҳ (0)