KXDR Janubiy Koreya bilan chegarada ovoz kuchaytirgichlar orqali eshittirishlarni yana yo‘lga qo‘ydi

Shimoliy Koreya Seulning targ‘ibot eshittirishlarini qaytadan boshlaganligiga javoban Janubiy Koreya bilan chegarada ovoz kuchaytirgichlar orqali eshittirishlarni yana yo‘lga qo‘ydi. Bu haqda “Ryonxap” agentligi ma’lumotiga tayanib, “Gazeta.ru” xabar beradi.

Avvalroq Janubiy Koreya KXDR bilan chegarada targ‘ibot eshittirishlarini qaytadan boshlaganligi ma’lum bo‘lgan edi. Bundan tashqari, Seul ovoz kuchaytirgichlarni himoya qilish uchun artilleriyani ham safga joylashtirdi.

Ovoz kuchaytirgichlar Shimoliy Koreya tuzumiga qarshi tanqidiy fikrlarni eshittiradi.

Koreya yarim orolidagi munosabatlarda navbatdagi keskinlik KXDR hukumati tomonidan vodorod bombasi muvaffaqiyatli sinovdan o‘tkazilganligi haqida ma’lum qilingandan keyin yuzaga keldi.