Жанубий Корея парламенти 8 январь, жума куни КХДРни қоралаб резолюция қабул қилди, дея хабар бермоқда «РИА Новости». Резолюция Миллий мажлис (парламент)нинг 207 аъзоси томонидан бир овоздан маъқулланган.
Тасдиқланган ҳужжатга мувофиқ, КХДРда ўтказилган ядро синови жиддий провокация ҳамда Жанубий Корея ва Шимоли-шарқий Осиё аҳолиси хавфсизлигига таҳдиддир, шунингдек, у «халқаро босимни ва мамлакат изоляциясини кучайтиради, холос».
8 январь куни Япония парламенти ҳам КХДР ҳаракатларини қораловчи резолюцияни қабул қилган эди. Мамлакат бош вазири Синдзо Абэ КХДРни «мавжуд ядро ва ракета дастурларидан тўлиқ воз кечиш ҳамда БМТ Хавфсизлик Кенгаши резолюциясига тўлиқ риоя қилиш»га чақирди.
Эслатиб ўтамиз, 6 январь куни Шимолий Корея марказий телевидениеси КХДР мамлакат шимоли-шарқида водород бомбасини муваффақиятли тарзда синовдан ўтказганини хабар қилди.
Кейинроқ Шимолий Корея ўзини ядро қуролига эга мамлакатлар клубига қўшди, бироқ уни биринчи бўлиб қўлламаслигини маълум қилди.
Изоҳ (0)