Хитой биржаларидаги савдолар котировкаларнинг кескин тушиб кетиши туфайли 30 дақиқадан сўнг тўхтатилди

Хитой биржаларидаги савдолар 7 январь, пайшанба куни котировкаларнинг кескин тушиб кетиши туфайли тўхтатилди. Бу ҳақда Meduza хабар берди.

Савдолар биржалар очилганидан сўнг 30 дақиқа давомида асосий индекслар 7 фоиздан кўпроққа тушиб кетганидан сўнг тўхтатилди. Айтишларича, 7 январь Хитойда биржа савдолари ўтказилаётган 25 йил давомида энг қисқа биржа куни бўлган. Таҳлилчилар фикрига кўра, биржалар Хитой Марказий банкининг миллий валюта девальвациясини тезлаштириш тўғрисидаги қарорига шу тариқа муносабат билдирган.

Хитой биржаларидан сўнг Европадаги асосий савдо майдонларидаги индекслар ҳам пасая бошлади. Савдолар бошлангандан сўнг FTSE 100 (Буюк Британия) 2,3 %, CAC 40 (Франция) 2,5 , DAX (Германия) эса 3,1 фоизга пасайган.