АҚШ КХДР томонидан 6 январь куни янги ядро синови ўтказилганлигига шубҳа қилмайди. Бу ҳақда Пентагон матбуот котиби Питер Кук тарқатган ёзма баёнот ҳамда АҚШ ва Корея Республикаси мудофаа вазирлари Эштон Картер ва Хан Мин Гунинг телефон орқали суҳбатига таяниб, «ТАСС» хабар беради.
Кукнинг сўзларига қараганда, икки мамлакатнинг ҳарбий бошқармалари раҳбарлари Шимолий Кореянинг ядро синовига нисбатан Америка—Жанубий Корея альянсининг потенциал жавобларини муҳокама қилиш учун қўнғироқлашган. Бунда вазирлар «бу каби ҳар қандай синовни қабул қилиб бўлмайдиган ва масъулиятсиз провокация» ва «халқаро ҳуқуқни қўпол бузиш» деб баҳолади.
Картер ва Хан Мин Гу Шимолий Кореянинг провокациясини оқибатсиз қолдирмаслик лозимлиги юзасидан бир фикрга келди. Шу муносабат билан улар ушбу провокацияга альянснинг тегишли жавоб ҳаракатларини мувофиқлаштиришга келишиб олди.
Изоҳ (0)