Москва расмийлари КХДР томонидан ўтказилган ядро синовларини қоралади. Бу ҳақда Россиянинг Венадаги халқаро ташкилотлар ҳузуридаги вакили Владимир Воронков баёнотига таяниб, «Газета.ru» хабар беради.
«Россия бу синовни қоралайди, бу халқаро ҳуқуқнинг яққол бузилишидир», — деди Воронков.
Унинг сўзларига қараганда, ҳозирча Шимолий кореяликлар айнан қанақа бомбани портлатганлигини аниқлаб бўлмайди.
«Биз бу каби масъулиятсиз қадам, мавжуд келишувларни бузишни қоралаймиз», — деб таъкидлади дипломат.
Эслатиб ўтамиз, Жанубий Корея разведкаси КХДРда водородли портлаш содир бўлганини шубҳа остига олиб, ядро синови натижасида юз берган зилзила магнитудаси етарлича кучли эмас деб ҳисоблаган эди.
Изоҳ (0)