Туркия транспорт вазири Бинали Йилдирим Россияни халқаро авиация меъёрларини бузишда айблади. Мамлакат авиакомпаниялари экипаж аъзолари учун виза беришдаги вазиятни эса «зўравонлик» деб атади. Бу ҳақда у 6 январь, чоршанба куни Анқарадаги матбуот анжуманида маълум қилган, дея хабар беради Reuters .
Олдинроқ Pegasus Airlines авиакомпанияси экипаж аъзоларига кириш визаси берилмагани учун 13 январгача Россияга парвозларни тўхтатишини эълон қилганди. Шундан сўнг Onur Air авиакомпанияси ҳам 14 январга қадар парвозларни тўхтатди. Давлатга қарашли Turkish Airlines вакиллари экипажлар учун виза олингани ва Россияга парвозлар жадвали ўзгармаслигини маълум қилган.
Эслатиб ўтамиз, Россия 2016 йил 1 январдан Туркия фуқаролари учун визасиз тартибни бекор қилди.
Изоҳ (0)