5 январь, сешанба куни Афғонистонда ўқ ёмғири остида қолган АҚШ ҳарбий хизматчилари Гильменд провинциясида махсус топшириқли бўлинмаларни тайёрлаш билан шуғулланган, дея хабар бермоқда «ТАСС» Пентагон матбуот котиби Питер Кукка таяниб.
Кук аввалроқ АҚШнинг бир нафар ҳарбий хизматчиси ҳалок бўлиб, яна икки нафари яралангани ҳақида тарқалган хабарни тасдиқлади.
Унинг айтишича, уларга ёрдам сифатида иккита ҳарбий-тиббий вертолёт юборилган, бироқ улардан бири ўққа тутилган ва базага қайтиб келган, иккинчиси эса қўниш чоғида зарар кўрган.
Пентагон матбуот котиби америкалик ҳарбий хизматчилар Гильменд провинциясида давом этаётган жангда қатнашиши мумкинлигини истисно қилмади, шу билан бирга, бошқа тафсилотларга аниқлик киритмади.
Изоҳ (0)