Қисқа стволли ўқотар қуролдан фойдаланиш лицензиясига эга техасликлар уни жамоат жойларида ошкора олиб юришлари мумкин. АҚШнинг мазкур штати расмийлари томонидан олдинроқ қабул қилинган тегишли қонун 1 январдан кучга кирди. Бу ҳақда «РБК» хабар бермоқда.
Фото: AP
Шу билан бирга, Техасда қурол билан келиш ман этилган жойлар ва тадбирлар ҳам сақланиб қолган. Улар қаторида спорт тадбирлари, аттраксионлар, барлар, суд ва маъмурий бинолар бор.
Ҳозирда Техас фуқаролари қисқа стволли ўқотар қурол харид қилиши учун махсус лицензия олиши шарт эмас, бироқ янги қонунга кўра, қуролни очиқ олиб юриш учун лицензия талаб этилади.
Изоҳ (0)