Агар Киев Қримга электр энергияси етказиб бериш ҳақидаги шартномага ярим орол Украина томонига тегишлилиги ҳақидаги бандни киритишни талаб қиладиган бўлса, Россия, эҳтимол, Киев билан бундай шартнома тузишдан бош тортади. Бундай баёнот билан Россия президенти матбуот котиби Дмитрий Песков чиқиш қилди, деб ёзади «Ведомости».
«Катта эҳтимол билан тахмин қилиш мумкинки, президент бундай шартларга асосланган шартномани имзолашдан бош тортиш ҳақида қарор қабул қилади», — деди у.
Шу тариқа, Песков қримликлар ўртасида ўтказилган сўров натижаларини изоҳлади. Сўров якунларига кўра, қримликларнинг 93 фоизи Украина билан Киевнинг талабларига асосланган шартнома имзолашга қарши.
«Шартнома имзолаш ҳақида қарор қабул қилишдан олдин, президент қримликларнинг розилигини олмоқчи эди. Яъни, қримликлар шартномада Украинанинг бир қисми сифатида тилга олиниб, у ердан электр энергияси қабул қилишга тайёрлиги ёки, айтайлик, 1 майга қадар — энергия кўприги тўлиқ ишга туширилгунича электр энергияси етказиб бериш бўйича юзага келадиган муайян тақчилликка тайёрлигини билмоқчи эди», — дея аниқлик киритди Песков.
Изоҳ (0)