Ислом Каримовнинг «2016 йил учун асосий макроиқтисодий кўрсаткичлар прогнози ва Ўзбекистон Республикаси давлат бюджети параметрлари тўғрисида»ги қарорига мувофиқ, Давлат махсус мактабгача таълим муассасалари тўғрисидаги низомга ўзгартиришлар киритилди, дея хабар бермоқда «Norma.uz».
Киритилган ўзгартиришларга кўра, давлат махсус мактабгача таълим муассасаси тарбияланувчиларини парваришлаш ва ўқитиш учун тўлов энди ота-оналар ёки уларнинг ўрнини босувчи шахслардан ундирилади.
Ушбу тўлов энди мазкур муассасалар фаолиятини молиялаштирувчи бошқа манбалар билан тенг тарздаги манба ҳисобланади.
Ҳужжатда тўлов ундирилмайдиган истисноли ҳолатлар келтирилган: болалар жисмоний ёки ақлий ривожланишида маълум камчиликлар бўлса, тўлов ундирилмайди.
Низомдан махсус мактабгача таълим муассасаси тарбияланувчилари Давлат бюджети маблағлари ҳисобидан озиқ-овқат билан таъминланиши ҳақидаги қоида олиб ташланди.
Изоҳ (0)