Ўзбекистонда ўзгармайдиган валюта олди-сотдиси, наманганлик талабалар табриги, қаҳрамон журналистлар ва куннинг бошқа муҳим янгиликлари

«Дарё»да доимий рукн — ҳар иш куни энг муҳим янгиликларнинг кечки дайжести бериб борилади.

1. Ўзбекистон Марказий банки валюта олди-сотди соҳасида ҳеч қандай ўзгаришлар кўзда тутилмаётганини маълум қилди. Сўнгги икки куннинг шов-шувларига, Марказий банкдан аввалроқ, «КDB Банк Ўзбекистон» жавоб бериб чиққанди.

2. 2015 йилда дунёда ўз касби туфайли 67 журналист ҳалок бўлди. Журналистлар учун энг хатарли мамлакат кетма-кет учинчи йил Сурия бўлиб қолмоқда.

3. Ўзбекистонда бензин 45 сўмга қимматлашади. Аниқроғи, бензин нархини шакллантирувчи солиқ ставкаси. Агар бензин нархини шакллантиришда қатнашадиган бошқа омилларнинг нархи ошмаса ё тушмаса, 1 январдан Аи-80 ни 2075 сўмдан қуяверасиз.

4. Ўзбекистондаги мобил операторлар ҳар бир абонент учун 1500 сўмдан пул тўлайди. «Абонент солиғи» бирданига икки баробар ўсди — бу ҳолат мобил операторларнинг тарифларига қандай таъсир қилиши ҳақида бир нарса дейиш қийин.

5. Наманганлик талабалар Янги йилни ҳар доимгидек кутиб оляпти. Ҳар доимгидек — бутун мамлакатнинг кайфиятини кўтарган ҳолда. Камида 2013 йилдан бери давом этаётган ушбу анъанани олқишласа арзийди.