Тошкент шаҳрининг Нурафшон кўчасида бунёд этилган замонавий уйларнинг соҳиблари Янги йил байрамини янги уйларда кутиб олмоқда. Бу ҳақда ЎзА хабар беради.
29 декабрь куни ушбу янги уйларга кўчиб кирган оилалар учун ташкил этилган Янги йил байрами тадбири уй тўйларига уланиб кетди.
Ўзбекистон Президентининг 2014 йил 20 ноябрдаги Тошкент шаҳрининг Эски шаҳар қисмида замонавий турар жойлар барпо этиш чора-тадбирлари тўғрисидаги қарорига мувофиқ Тошкентнинг ушбу ҳудудида жойлашган, 5—6 оила бирга истиқомат қилаётган тор, эски ҳовлилар ўрнида замонавий қулайликларга эга кўп қаватли муҳташам уйлар барпо этилмоқда.
Бугунги кунда шундай уйларнинг 15 таси фойдаланишга топширилиб, уларда 414 оила истиқомат қилмоқда. 2016 йилда яна 20 замонавий уй қурилиб битказилиши кўзда тутилган.
Эслатиб ўтамиз, Давлат раҳбари 2015 йилнинг август ойида ушбу ҳудудда амалга оширилаётган қурилиш ва ободонлаштириш ишлари билан танишган эди.
Изоҳ (0)