Британия қонунчилиги тахт меросхўри шаҳзода Чарльзга қонуний равишда ядро бомбасини ҳаракатга келтиришга рухсат беради, дея хабар бермоқда «Европейская Правда». Унинг бундай хатти-ҳаракатлари у учун ҳеч қандай оқибатларга олиб келмайди.
Плимут университети илмий ходими Жон Киркхоул давлат архивидаги баъзи ҳужжатларни ўрганиб чиқиб, шундай хулосага келди.
Ўтказилган тадқиқотга кўра, Корнуолл герцоги унвони Чарльзни қатор қонунлар бўйича жазоланишдан озод қилади, улар орасида «Ядровий портлаш тўғрисидаги акт», «Маълумотлар ҳимояси тўғрисида»ги қонун бор.
«Ядровий портлаш тўғрисидаги акт» тинч вақтда ядро бомбасини ҳаракатга келтирганлик учун бир умрлик қамоқ кўринишидаги жазони кўзда тутади, бироқ у шаҳзода Чарльз учун амал қилмайди.
Изоҳ (0)