Миллиардер Алишер Усмонов рангли металлар ишлаб чиқарувчи дунёдаги йирик корхоналардан бири — «Норильский никель» компаниясидаги улушини оширишини истисно этмади. Бу ҳақда «Вести» хабар бермоқда.
«Мен менежментимизга «Норникель» акцияларини сотишни эмас, аксинча, харид қилишни маслаҳат берган бўлардим. Бизга акция пакетларида пул ишлаб олиш мароқли. Мазкур корхона назорати бошқа компанияларга тегишли. Шунинг учун унинг ривожланишини диққат билан кузатиб борамиз, у яхшигина дивиденд даромади келтиряпти», — дея таъкидлаган Усмонов.
Ҳозирча «Норильский никель» акциялари улушини ошириш ҳақида қарор қабул қилинмаган. Усмоновнинг билдиришича, бу инвестициялар бўлинмаси маблағни у ёки бу йўналишга қўйиш келажаги ҳақида бир тўхтамга келишига боғлиқ.
Изоҳ (0)