Россия Федерацияси Мудофаа вазирлиги Сурияда кассетали бомбалардан фойдаланганини рад этди, деб хабар беради «Интерфакс».
«Россия авиацияси улар (кассетали бомбалар)ни қўлламайди», — деди 23 декабрь куни бўлиб ўтган брифингда РФ Мудофаа вазирлиги вакили, генерал-майор Игорь Конашенков.
Унинг қайд этишича, брифингда қатнашаётганлар орасида Хмеймим авиабазасида шахсан бўлган ва самолётларнинг учишга тайёргарлик кўраётгани, уларнинг парвози ва қўнишини кечаю кундуз съёмка қилган ўнлаб хорижлик журналистлар бор.
«Аммо ҳеч ким бирон марта ҳам ўқ-дорининг ушбу тури ҳақида ҳеч қачон кўрсатмаган ва ҳаттоки, савол ҳам бермаган. Чунки бундай қурол Суриядаги авиабазамизда йўқ», — деди Конашенков.
Изоҳ (0)