Туркманистон Каспийбўйи газ қувури қурилиши масаласида Қозоғистон ва Россия билан ҳамкорликни давом эттиришга тайёр. Бу ҳақда республика президенти Гурбангули Бердимуҳаммедов «Шарқ-Ғарб» газ қувури очилиш маросимида маълум қилди, деб ёзади «ТАСС».
Унинг айтишича, ушбу объектнинг ишга туширилиши «Туркманистон энергия ресурсларини халқаро бозорларга чиқариш учун кучли база» яратади ва Каспийбўйи газ қувури қурилиши масаласи бўйича ҳамкорликни давом эттириш имкониятларини кўзда тутади. Бу ҳақдаги ҳукуматлараро битим 2007 йилда Туркманистон, Қозоғистон ва Россия раҳбарлари томонидан имзоланган эди.
Туркманистон президентининг фикрича, айни пайтда учта мамлакат учун Каспийбўйи газ қувури лойиҳасини амалга оширишда янги имкониятлар очилган ва улар мавжуд ресурс ва инфратузилма базасига асосланган.
Изоҳ (0)