Ҳиндистон телекоммуникация соҳасидаги назорат органи (Telecom Regulatory Authority of India, TRAI) Reliance Communications мобил операторидан Facebook’нинг Free Basics хизматини блоклаб қўйишни талаб қилди. Бу ҳақда Times of India хабар беради.
Назорат органи ундан фойдаланишни номаълум муддатга ёпиб қўйишни сўраганлиги таъкидланмоқда. Мамлакат ҳукуматининг маълум қилишича, талаб бажарилиб, ҳозирги пайтда сервисдан фойдаланишнинг имкони йўқ. Бироқ нашрнинг хабар беришича, ҳукумат икки ҳафта аввал талабнома юборганлигига қарамасдан, хизмат ҳамон амал қилмоқда.
Ҳиндистондаги аксарият фойдаланувчилар ва соҳа экспертлари Facebook’нинг ушбу ташаббусини танқид қилган. Жумладан, уларга ижтимоий тармоқнинг бутун глобал тармоқдан фойдаланиш имкониятини бермаслиги ва фойдаланувчиларнинг икки гуруҳга: интернетдан тўлиқ фойдаланиш имкониятига эга бўлганлар ва ижтимоий тармоқнинг фақат текин платформасидан фойдаланиши мумкин бўлганларга ажратилганлиги маъқул келмаган.
Изоҳ (0)