Англиянинг «Челси» клуби раҳбарияти ва «кўклар» бош мураббийи Жозе Моуриньо 2016 йил 6 январь куни жамоанинг собиқ шифокори Ева Карнейронинг даъвоси бўйича судда кўрсатма беради, деб хабар қилади «Газета.ru».
Карнейро жорий мавсум давомида можаро билан «Челси»дан кетди. «Суонси»га қарши баҳсда шифокорлар жароҳат олган Эден Азарга ёрдам бериш учун майдонга чиқди. Аммо Моуриньонинг фикрича, футболчининг жароҳати жиддий эмас эди ва шифокорлар, шу жумладан Карнейро ҳам бу иши билан «Челси» ғалабани илиб кетишига халақит берган. Шундан кейин аёлни аввалига ишдан четлатишди, кейинроқ эса буткул бўшатишди.
Карнейро португалиялик мураббий уни камситган, Лондон клуби раҳбарияти эса ноқонуний бўшатган, деб ҳисобламоқда. Ҳозирда Ева товон пули ундириш ва вазифасига тикланишга эришмоқчи.
Изоҳ (0)