Таниқли боксчи кичик Рой Жонс Россия фуқаролигини олганидан кейин биринчи жангда мағлубиятга учради, дея хабар бермоқда «ТАСС». У Москвада бўлиб ўтган ўн раундли рейтинг жангида британиялик Энцо Маккаринеллига тўртинчи раундда техник нокаут билан ютқазиб қўйди.
Аввалроқ 46 ёшли Рой Жонс ушбу жанг карьерасидаги энг сўнггиси бўлишини маълум қилган эди. Аммо курашдан бир неча кун аввал бўлиб ўтган матбуот анжуманида боксчи карьерасини давом эттиришини истисно қилмади. Унинг сўзларига кўра, ўзини яхши ҳис қилса бўлди — бокс тушишда давом этаверади.
Эслатиб ўтамиз, Владимир Путин 12 сентябрь куни Рой Жонсга Россия фуқаролигини бериш тўғрисидаги фармонни имзолаган эди. Октябрь охирида эса Рой Жонс Россия фуқароси паспортини олди. Кейинроқ боксчи Россия ИИВ Москва бош бошқармаси бокс федерациясининг фахрий раиси бўлди.
Изоҳ (0)