Зимбабвенинг 91 ёшли президенти яна янглишиб, бошқа нутқни ўқиди

Зимбабве ҳукмрон партиясининг йиллик анжуманида иштирок этган 91 ёшли президент Роберт Мугабе 30 сония давомида, то унга конференция учун тайёрланган маърузани беришгунча бошқа матнни ўқиди, дея хабар беради «Эхо Москви».

Ўз чиқиши давомида Мугабе тарафдорларини унинг вориси бўлишга номзодлик атрофидаги сиёсий курашни тўхтатишга чақирди.

35 йилдан буён — Зимбабве мустақил бўлганидан бери мамлакатни бошқариб келаётган Мугабе шу йил кузида парламент ўз ишини бошлашига бағишланган йиғилишда депутатларга бундан бир ой аввалги нутқини қайта ўқиб берганди.