Интернет фойдаланувчиларининг кўплаб илтимосларига биноан Приморье ўлкасидаги сафари боғи маъмурияти машҳур бўлиб кетган дўстлар ― йўлбарс Амур ва эчки Темур истиқомат қилиб келаётган қафасда веб камералар ўрнатишга қарор қилди. Бу ҳақда «ТАСС» хабар қилмоқда.
«Сайтга ташриф буюрадиган кўплаб мухлисларнинг илтимосига асосан, ҳар қандай киши ‘Тимурнинг соғ-саломат эканлигини’ кўра олиши учун сафари боғида веб камералар ўрнатиш тўғрисида қарор қабул қилинди», ― дейди боғ директори.
Ҳозирча, йўлбарс ва эчкининг ғайриоддий муносабатларига алоқадор бўлган маълумотларни интернет фойдаланувчилари сафари боғининг сайтига боғ ходимлари томонидан берилаётган фото ва видео манбалардан билишмоқда. Кўпинча манбаларни чоп этиш кечикиб, эчки Тимурнинг тақдири ҳақидаги кўплаб савол ва фикрларнинг келиб чиқишига сабаб бўлмоқда.
Эслатиб ўтамиз, йўлбарс Амур билан дўстлашиб қолган эчки Тимурга умумий вольерда йўлбарсникига ёндош бўлган ётоқ жойи қуришга қарор қилинган эди.
Изоҳ (0)