Футзал бўйича Ўзбекистон миллий терма жамоаси Доҳа шаҳрида Қатар терма жамоасига қарши иккинчи ўртоқлик учрашувини ўтказди. Бу ҳақда Ўзбекистон футзал уюшмаси матбуот хизмати хабар бермоқда.
5 декабрь куни бўлиб ўтган илк баҳсда Хосе Мария Мендез бошчилигидаги Ўзбекистон терма жамоаси 4:5 ҳисобида ютқазиб қўйганди.
Иккинчи учрашувнинг биринчи бўлимида Ўзбекистон вакиллари мезбонлар дарвозасига жавобсиз иккита тўп киритди. Дилшод Ирсалиев ва Константин Свиридовлар ўз ҳисобларига биттадан гол ёзиб қўйди.
Танаффусдан сўнг қатарликлар ҳисобни қисқартирди. Ирсалиев дублга эришиб, яна икки тўп фарқини юзага келтирди. Баҳсдаги сўнгги голни мезбонлар урди — 2:3. Шу тариқа Ўзбекистон иккинчи ўйинда Қатарни мағлуб этди.
Ўртоқлик учрашуви
Изоҳ (0)